Categories: Lajme

N’Elbasanin e bukur, rrethua me flamujt serb që hala pikojnë gjak shqiptari”/ Mllefi i Çun Lajçit për vizitën e Vuçiqit në Shqipëri

Aktori Çun Lajçi po vazhdon t`i komentojë në mënyrë artistike ngjarjet politike në Kosovë e Shqipëri.

Ai nuk la pa i thënë disa fjalë rreth vizitës së presidentit të Serbisë Aleksandër Vuçiq nq Shqipëri, në kuadër të projektit “Open Ballkan” ku Kosova nuk është e përfshirë.

Lajçi ka thënë se flamujt serb që valonin në Elbasan ende pikojnë gjak shqiptari.

“Ç’tu desht trishtimi n’Kurrizin e Dardanisë e zgjimi nga gjumi me krrokamat e korbave, thashë tue i fshi djersët e ballit. Ç’tu deshtën lajmet e zeza nga Tirana për sy çakarin e gjatë që hante darkë me Jovan zezën, n’Elbasanin e bukur, rrethua me flamujt serb që hala pikojnë gjak shqiptari, e debatet e mjera të njerëzve tru trashë që s’e dallojnë hirrën prej kumshtit!

S’u durova pa zbritë të koshat e plehut, n’tunel t’Kurrizit, aty ku po luhej skena hamletiane e sy çakarit, me bukën e mykun nën sqetull e me britma dhimbjeje, n’andrrën time!”, shkruan Lajçi mes tjerash.

Postimi i plotë:

Ju kujtohem besoj. Po po ju kujtohem, veç kqyrni ku po e mbajë plisin e ku dorën! Atë ditë e sot, krahu muer reumatizëm, prej hekurit që nxehej me trupin tim, e kurrë s’pushoi prej dhimbjeve!

Si mund ta keni harrua kryecullakun, që plisin e mbante nën sqetull e n’plis pulën me zogj?

Bërtiste nji sy çakar, me kokë n’koshin e plehut, për alltinë me plot fyshekë, që s’dihej a ia kishte nxi, apo shpëtua jetën, nji herë e nji kohë, kur çetnikët e Shumadisë i kishin hi n’oborr, me ia përdhunua gruen, e ky ua kishte shkrumua trutë n’shajkaqa!

Tash fliste me vetëvetën tue i numërua kanaqet e shishet e plastikës n’kantat e bërllogut!

Skenë Beketjane, që s’përseritet!

Kishte luejt mendësh, ndoshta, kur kulla kishte marrë flakë me trupat e njomë të tre fëmijëve e t’grues së tij shtatzanë! Kishte luejt mendësh e kishte marrë malin me i tretë dhimbjet e me i lypë mendet e veta e ishte kthye me qajt të varret e fëmijve t’shkrumuem n’kullë!

Hipte mbi kantën e plehut e bërtiste: Ndal Jovan se t’vajton nana, e dorën e nxjerrte prej nën sqetullës, ndoshta si ditën kur iu kishte shkrumua fatziut zemra. Gër-gër-gër bante me gojë, e gishtin e rrudhte, thua se po ia kokërronte plumbat n’ballë Jovanit!

Kaqë shpejtë, s’mund ta keni harrua sy shtremtin, që e nxente patllakën nën sqetullë o Jovan Shumadia, bërtiste tue e mbushë thesin me plastika e kanaqe e tue kafshua bukën e mykun nën sqetull!

A t’kujtohet krye cullaku që s’i besonte barotit n’fyshekë, se druante mos ka marrë lagështi e me trupin e vet e thante!

Isha n’andërr apo n’skenën e nji teatri Shekspirian, nuk di, por nji i çmendun kërkonte rroba e bukë n’koshat e plehut, n’Dardaninë e bardhë, e korbat e zi n’pemë, e përcjellnin me muzikë funembre, krra-krra-krra! Ai nën sqetull e mbante bukën e mykun e koshit të bërllogut i bërtiste: Ndal Jovan se tu nxi nana!

Pse s’e bane edhe nji natë n’tokën helvetitike, i thashë vetës. Dino Bekteshi kishte konak për nji katund e nuk ngushtohej me nji artist!

Ç’tu desht trishtimi n’Kurrizin e Dardanisë e zgjimi nga gjumi me krrokamat e korbave, thashë tue i fshi djersët e ballit. Ç’tu deshtën lajmet e zeza nga Tirana për sy çakarin e gjatë që hante darkë me Jovan zezën, n’Elbasanin e bukur, rrethua me flamujt serb që hala pikojnë gjak shqiptari, e debatet e mjera të njerëzve tru trashë që s’e dallojnë hirrën prej kumshtit!

S’u durova pa zbritë të koshat e plehut, n’tunel t’Kurrizit, aty ku po luhej skena hamletiane e sy çakarit, me bukën e mykun nën sqetull e me britma dhimbjeje, n’andrrën time!

Ah Kosovë, ti kurrë e zezë mos qofsh, si andrrat e mia bërtita, e qentë i zgjova nga gjumi. Ata filluen me leh e unë u futa n’kafe, si Halil Gashi n’Vushtrri, e gishtin e rrudha mbi shkronja!

Dardani,21.12.2021

admin

Recent Posts

Një ukrainase në Shqipëri: Me rusët kemi qenë si motra dhe vëllezër

Oksana Genkina prej gati 10 vitesh jeton në Tiranë, ku ka krijuar edhe familjen e…

4 orë ago

Kurti demantohet nga Transparency International: Përmirësimi i pozicionit erdhi nga transferimi paqësor i pushtetit

Kryeministri Albin Kurti nuk ka ngurruar që të marrë merita për përmirësimin e gjendjes me…

7 orë ago

Me t’u vjedh thesari para syve është skandal”, debat i ashpër mes deputetit të VV-së e Hykmete Bajramit të LDK-së

Vjedhja e 2 milionë eurove në tetor të vitit 2020 nga Thesari i Shtetit vazhdon…

12 orë ago

Lushtaku: Serbët në veri kanë qenë të privilegjuar nga Millosheviqi, tash nga Albin Kurti

Një nga figurat më me peshë elektorale në PDK, Sami Lushtaku, thotë se me shtrenjtimin…

12 orë ago

Nënkryetari i PDK-së thotë se është për shkëmbim të territoreve

Nënkryetari i PDK-së, Ramë Buja ka thënë se para një Asociacioni të komunave serbe me…

1 ditë ago

Qytetarët mbushin sheshin, protesta kundër shtrenjtimit të rrymës

Në sheshin “Zahir Pajaziti”, ka filluar protesta kundër shtrenjtimit të energjisë elektrike, e thirrur nga…

1 ditë ago