Categories: Lajme

Mustafa: Me mua kryetar, LDK-ja s’do të korrigjonte votat në zgjedhjet lokale

Isa Mustafa, ish-kryeministër dhe ish-kryetar i Lidhjes Demokratike të Kosovës, ka thënë se partia që ai ka udhëhequr deri sivjet, nuk do të kishte sukses në zgjedhjet lokale të mbajtura së voni, po që se ai vetë do të mbetej kryetar.

LDK-ja në zgjedhjet lokale në tetor-nëntor doli e dyta me komuna të fituara, tetë muaj pasi pati rezultatin më të dobët si parti në zgjedhjet e përgjithshme, kur doli e treta.

“Mund të them se zgjedhjet e përgjithshme që ndodhën në fillim të vitit dhanë rezultate të papritura për LDK-në dhe subjektet tjera. Pati eufori politike që në mënyrë irracionale i çoi votat te një subjekt politik pa e ditur votuesit se çfarë një subjekt mund të ofrojë, sepse s’kemi pasur më herët një subjekt me 50 për qind të votave. Ishte i papritur rezultati i LDK-së për mua. Gjendja u stabilizua përafërsisht, edhe te subjektet tjera politike sepse qytetarët e korrigjuan në një mënyrë votimin. E krijuan një balanc politik të domosdoshëm për ne sepse s’është e shëndetshme që një subjekt të ketë mbi gjysmën e votave. Mendoj se është e arritur e mirë e qytetarëve sepse ata kanë vlerësuar se sa meriton çdo subjekt politik t’i jepet besimi dhe mendoj se këto rezultate tregojnë pjekurinë e qytetarëve dhe votës së tyre”, ka thënë ai në emisionin Desku në KTV.

Sipas tij, arsyet e “korrigjimit” të votës erdhën për shkak se Vetëvendosje dhe qeverisja e saj s’treguan kohezion në aspektin e premtimeve dhe pritjeve të qytetarëve për premtimet e saj.

I pyetur se a do të kishte këtë rezultat LDK-ja edhe po që se Mustafa do të mbetej kryetar, ai ka renditur arsyet se përse kjo, sipas tij, s’do të mund të ndodhte.

“Mendoj se jo, të jem i sinqertë sepse u krijua një klimë politike për periudhë mjaft të gjatë që kishte kundërshtime jashtë LDK-së. Siç duket edhe të qenit gjatë në krye të LDK-së, aktivitetet e mëparshme të LDK-së si pjesë e koalicioneve të mëparshme apo si drejtuese e qeverisë për dy mandate sa isha unë kryetar i LDK-së, pastaj drejtimi i Prishtinës kanë ndikuar të ketë vërejtje, mospajtime që janë të natyrshme e të kërkohen fytyra e zgjidhje të reja”, ka thënë ai duke e vlerësuar si arritje të madhe të LDK-së përmbysjen e rezultatit.

admin

Recent Posts

Një ukrainase në Shqipëri: Me rusët kemi qenë si motra dhe vëllezër

Oksana Genkina prej gati 10 vitesh jeton në Tiranë, ku ka krijuar edhe familjen e…

3 orë ago

Kurti demantohet nga Transparency International: Përmirësimi i pozicionit erdhi nga transferimi paqësor i pushtetit

Kryeministri Albin Kurti nuk ka ngurruar që të marrë merita për përmirësimin e gjendjes me…

6 orë ago

Me t’u vjedh thesari para syve është skandal”, debat i ashpër mes deputetit të VV-së e Hykmete Bajramit të LDK-së

Vjedhja e 2 milionë eurove në tetor të vitit 2020 nga Thesari i Shtetit vazhdon…

11 orë ago

Lushtaku: Serbët në veri kanë qenë të privilegjuar nga Millosheviqi, tash nga Albin Kurti

Një nga figurat më me peshë elektorale në PDK, Sami Lushtaku, thotë se me shtrenjtimin…

11 orë ago

Nënkryetari i PDK-së thotë se është për shkëmbim të territoreve

Nënkryetari i PDK-së, Ramë Buja ka thënë se para një Asociacioni të komunave serbe me…

1 ditë ago

Qytetarët mbushin sheshin, protesta kundër shtrenjtimit të rrymës

Në sheshin “Zahir Pajaziti”, ka filluar protesta kundër shtrenjtimit të energjisë elektrike, e thirrur nga…

1 ditë ago