E hënë, 25 Tetor, 2021

Zgjedhjet e 14 shkurtit: Për dy ditë 45 fluturime nga diaspora në Prishtinë

Lexo

- Advertisement - >

Si kurrë më parë partitë politike në Kosovë për zgjedhjet e 14 shkurtit ju kanë bërë thirrje mërgimtarëve të votojnë.

Disa prej tyre kanë votuar me postë, por një numër jo i vogël pritet të vijnë në Kosovë për të dhënë votën për partinë që preferojnë.

Nga Aeroporti i Prishtinës “Adem Jashari”, kanë bërë të ditur për se veç të premten dhe të shtunën pritet të vijnë 45 aeroplanë nga diaspora në Kosovë.

Bujar Gashi, zyrtar për media në Aeroportin e Prishtinës ka bërë të ditur se të premten pritet të aterojnë në Aeroport 16 aeroplanë, ku shumica prej tyre do të jenë nga Zvicra.

“Më 12 shkurt pritet të aterojnë në ANP 16 fluturime, 9 prej tyre nge Zvicra, ndërsa pjesën tjetër e përbëjnë fluturimet nga Gjermania (1), Austria(2), Turqia (2) , Suedia (1) dhe Belgjika (1)”, ka thënë Gashi.

Por një ditë para zgjedhjeve, pra të shtunën do të vijnë më shumë bashkatdhetarë në Kosovë, pasi pritet të aterojnë në Aeroportin e Prishtinës 29 aeroplanë, shumica prej tyre nga Zvicra.

“Më 13 shkurt janë planifikuar 29 fluturime ne ardhje, prej tyre 16 fluturime nga Zvicra dhe 12 nga Gjermania, dhe me një fluturim nga Turqia në mbrëmje!”, ka thënë Gashi.

Kujtojmë se në këto zgjedhje të gjitha partitë kanë futur në listat e tyre kandidatë për deputetë nga diaspora.

Ndryshe, sot kryeshefi Ekzekutiv i Sekretariatit të Komisionit Qendror të Zgjedhjeve, Burim Ahmetaj, ka bërë të ditur se kanë arritur mbi pesë mijë fletëvotime nga diaspora.

Votimi nga diaspora ka filluar më 2 shkurt dhe do të zgjasë deri më 12 shkurt. KQZ ditë më parë ka njoftuar se votues nga diaspora janë 102 mijë, derisa lista e plotë e votuesve për zgjedhjet e 14 shkurtit është 1,794,862 qytetarë

- Advertisement - >

Më shumë

- Advertisement - >

Të fundit