E enjte, 28 Tetor, 2021

Ganimete Musliu thotë se Kurti e Osmani ikën nga Veriu si pula të lagura

Lexo

- Advertisement - >

Kandidatja për deputete nga radhët e Partisë Demokratike të Kosovës, Ganimete Musliu, e ka komentuar largimin e kryetarit të Lëvizjes Vetëvendosje, Albin Kurti, si dhe ushtrueses së detyrës së presidentit, Vjosa Osman, nga Veriu i Mitrovicës.

Musliu ka thënë se që të dy akterët politikë kanë “ikur si pulat e lagura” nga Veriu. Ajo këto komente i ka bërë në emisionin ‘Pressing’ në T7.

“Kanë ikur si pula të lagura, pa e realizuar agjendën e tyre, pavarësisht se kanë qenë nën mbrojtjen e FIT-it. Të dy pretendentët kanë pasur me shku tek kulla e Ali Kadriut, e kanë lënë në pritje”, ka deklaruar ajo.

E njëjta ka pritur një largim më të dinjitetshëm nga Kurti e Osmani, teksa ka thënë se për shkak të kreut të VV’së, ka policë që vuajnë lëndime ende.

“Sot kemi policë me të meta, të verbër, pikërisht për shkak të ballafaqimit me Kurtin. Kurti sot e ka pasur rastin ta tregojë trimninë që paraqet në Prishtinë e në institucionet e Kosovës”, ka deklaruar tutje ish-deputetja e Kuvendit të Kosovës.

Tutje, ajo ka thënë se Osmani e Kurti dhanë një mesazh të keq tek qytetarët e Mitrovicës së Veriut.

“Nuk guxojnë pretendentët për poste të rëndësishme të japin mesazhe të frikës në Mitrovicën e Veriut. Ata nuk kanë palcë kurrizore të jenë kryeministër e president. Viti 2020 e ka tregu se çfarë mashtrus janë Vjosa Osmani e Albin Kurti”, ka vlerësuar kandidatja për deputete nga radhët e PDK’së.

- Advertisement - >

Më shumë

- Advertisement - >

Të fundit