E enjte, 28 Tetor, 2021

Vuçiqi: Shqiptarët dhe ndërkombëtarët do të na shantazhojnë me ‘Shqipërinë e Madhe’

Lexo

- Advertisement - >

Presidenti i Serbisë, Aleksandër Vuçiq, ka thënë se pret që forcat që do të insistojnë në bashkimin me Shqipërinë do t’i fitojnë zgjedhjet e përgjithshme në Kosovë.

Në këtë kontekst, ai ka thënë se presin që të pasojë presioni mbi Serbinë për ta njohur Kosovën si shtet të pavarur.

“Atje me siguri do të fitojnë forcat që këmbëngulin në bashkimin me Shqipërinë. Haradinaj është një njeri i rrezikshëm. Ai e tha këtë sepse Kurti ka nevojë për një parti shqiptare për ta bërë shumicën dhe Haradinaj po bën presion që ajo parti të jetë ai, dhe që ai të zgjidhet president i Kosovës. Do të vinte ajo, koalicioni për një Shqipëri të Madhe. Dhe pastaj ata do të fillojnë të na shantazhojnë me një Shqipëri të Madhe dhe do të thonë se nëse doni ta ndalim këtë, njiheni Kosovën. Me atë ide të huajt do të vijnë tek ne”, ka thënë Vuçiqi në “TV Prva” të Serbisë.

Vuçiqi ka theksuar se nuk shqetësohet për atë që thonë politikanët e Prishtinës, por frikësohet që edhe të huajt do t’i bëjnë presion Serbisë mbi këtë ide.

“Kjo është ajo që unë mund të them dhe atë që pres. Një pranverë, verë, vjeshtë tmerrësisht e vështirë na pret. Por, ne do të luftojmë”, ka thënë presidenti i Serbisë.

Duke komentuar deklaratën e Daniel Serwer se ai nuk do ta njohë pavarësinë e Kosovës, Vuçiqi ka thënë se kjo është e vërtetë.

“Serweri tha që nuk do të ndodhte, se unë nuk do ta njohja Kosovën. Kjo për shkak se ai e di se sa përgjegjës jam unë. Ai po mbështet në disa të tjerë, ai e di se unë jam shumë i përgjegjshëm”, është shprehur Vuçiqi.

- Advertisement - >

Më shumë

- Advertisement - >

Të fundit