E enjte, 28 Tetor, 2021

PDK heq nga lista kandidatin e saj që nuk e kaloi verifikimin për kandidatët për deputetë

Lexo

- Advertisement - >

Partia Demokratike e Kosovës ka vendosur të heq nga lista një kandidat për deputet që nuk e kaloi verefikimin.Nga kjo parti thonë se gjithmonë do ndjekin praktikën e moskandidimit të personave të denuar apo të akuzuar.

Njoftimi i plotë nga PDK:

PDK respekton vendimin e KGJK-së, heq nga lista kandidatin që nuk e ka kaluar verifikimin.
Prishtinë, 21 janar 2021 – Partia Demokratike e Kosovës ka ndjekur gjithmonë praktikën e moskandidimit të personave të dënuar apo të akuzuar për vepra të ndryshme penale.

Kjo praktikë do të vazhdojë edhe në këto zgjedhje, pavarësisht lëshimit që është bërë në listën e dorëzuar në Komisionin Qendror të Zgjedhjeve për zgjedhjet e jashtëzakonshme të 14 shkurtit.Partia Demokratike e Kosovës do ta respektojë vendimin e KGJK-së, duke larguar nga lista kandidatin që nuk i plotëson kushtet e parapara, sipas aktvendimit të Gjykatës Kushtetuese të publikuar në dhjetor të vitit 2020.

Respektimi i plotë i normave që përcakton Kushtetuta e Republikës së Kosovës dhe aktet e tjera ligjore për zgjedhje të lira, fer dhe demokratike, janë kritere të domosdoshme për ta garantuar integritetin dhe mbarëvajtjen e procesit zgjedhor në Kosovë.

Partia Demokratike e Kosovës respekton çdo vendim të institucioneve përgjegjëse dhe fton të gjitha subjektet politike në Kosovë, që të bëjnë fushatë të dinjitetshme, duke e respektuar procesin zgjedhor.

- Advertisement - >

Më shumë

- Advertisement - >

Të fundit